Oppdatert strategi for digital bevaring i Nasjonalbiblioteket (NB)

NB etablerte sin første strategi for digital bevaring i februar 2024. Han hadde som mål å styre, strukturere og spisse fokuset i arbeidet vårt med digital bevaring for perioden 2024-2025.

Denne er no erstatta av ein oppdatert strategi som skal gjelde for perioden 2026-2029.

Den oppdaterte strategien byggjer på dei samen prinsippa som den førre. Føreseielegheit og retning i arbeidet med digital bevaring er viktig.

Det er likevel gjort nokre endringar for å tydeleggjere retninga i vårt arbeide ytterlegare.

Følgjande endringar er lagde inn i oppdatert strategi for digital bevaring i NB:

• Tidsperioden for strategien er sett til å gjelde for same periode som den overordna strategien for NB.

• Bevaringsstrategien er knytt tettare til organisasjonen sine strategiske mål om formidling, forsking og teknologiutvikling.

• Det er teke inn ei eiga målformulering om sikring av datakvalitet og satsing på KI.

• Det er teke inn eit moment om uvisse og utfordringar knytte til økonomi og finansiering

• Det er teke inn eit organisasjonsmoment om arbeid med kontinuerleg forbetring i tverrfaglege team.

• Under strategiske satsingsområde er det teke inn eit punkt som tydeleggjer rolla til NB som bevaringsinstitusjon i forhold til ABM-sektoren og nasjonal kunnskapsberedskap. Dette er teke med som ein direkte konsekvens av Stortingsmelding nr 9.(2024–2025) Totalberedskapsmeldingen — Forberedt på kriser og krig. Det som var særleg å merke seg her, var at kunst og kultur er blitt ein del av totalberedskapen. Det inneber at kultur, kulturarv og kulturaktørar òg blir definert som viktige i kriser og krig.

I tillegg har det vore viktig å sikre at strategidokumentet er kort og konsist, slik at det faktisk blir lese og forstått. Her er den nye strategien.